اسلامی تحریک مزاحمت "حماس” نے فلسطینی اتھارٹی کے سربراہ محمود عباس سے مطالبہ کیا ہے کہ وہ جنرل اسمبلی کے اجلاس سے خطاب میں اسرائیل کے ساتھ طے پائے تمام معاہدے
منسوخ کرنے کا اعلان کریں۔
مرکزاطلاعات فلسطین کے مطابق حماس کےترجمان سامی ابو زھری نے کہا کہ اسرائیل کے ساتھ سیکیورٹی کوآرڈی نیشن سمیت تمام معاہدے منسوخ کرنے کا وقت آن پہنچا ہے۔ صدر محمود عباس کے پاس جنرل اسمبلی سے خطاب کے دوران صہیونی ریاست کے ساتھ معاہدے توڑنے کا بہترین موقع ہے۔
ترجمان کا کہنا تھا کہ تمام قومی دھاروں پر مشتمل متفقہ تزویراتی حکمت عملی ہی صہیونی ریاست کے جرائم کی روک تھام اور قبلہ اول کے دفاع کے کا راستہ ہے۔
انہوں نے کہا کہ فلسطینی قوم اس وقت فیصلہ کن مرحلے سے گذر رہے ہیں۔ ایسے میں صہیونی ریاست کے ساتھ کندھے سے کندھا ملا کر چلنے کا کوئی جواز نہیں ہے۔ فلسطینی اتھارٹی کے سربراہ قومی مفاہمت کا عمل آگے بڑھائیں اور اسرائیل کے ساتھ طے پائے تمام معاہدے منسوخ کردیے ہیں۔