مرکزاطلاعات فلسطین کے مطابق بدھ کے روز لبنان کے دارالحکومت بیروت میں قائم امریکی سفارت خانے کے باہر بھی ایک احتجاجی مظاہرہ کیا گیا جس میں مقامی فلسطینی پناہ گزینوں کے علاوہ بڑی تعداد میں لبنانی شہریوں نے بھی شرکت کی۔
مظاہرین نے ہاتھوں میں کتبے اور بینرز اٹھا رکھے تھے جن پر مصری عدالت کے فیصلے کے خلاف سخت مذمتی نعرے درج تھے۔ مظاہرین نے لائوڈ اسپکر پر اونچی آواز میں فلسطین اور حماس کی حمایت میں ترانے بھی پیش کیے۔
اس موقع پر لبنانی فوج اور پولیس نے سیکیورٹی کے سخت ترین انتظامات کیے تھے۔ سفارت خانے کے چاروں اطراف سیکیورٹی اہلکاروں نے ایک حصار قائم کررکھا تھا۔
مظاہرے سے خطاب کرتے ہوئے مقامی فلسطینی رہ نمائوں نے مصری عدالت کے فیصلے کو مصری انقلاب کی روح کے منافی قرار دیتے ہوئے اسے اسرائیل نوازی کا مظہر قرار دیا۔ ان کا کہنا تھا کہ مصرکی عدالت کی طرف سے حماس کو دہشت گرد تنظیم قرار دے کر یہ ثابت کیا ہے کہ وہ فلسطینیوں سے نہیں بلکہ غاصب صہیونی ریاست کو ترجیح دے رہی ہے۔ اس کے نزدیک فلسطینی دشمن اور صہیونی دوست ہیں۔
خیال رہے کہ حال ہی میں مصر کی ایک مقامی عدالت نے اپنے فیصلے میں حماس کو دہشت گرد تنظیم قرار دے کر اس پر پابندیاں عاید کرنے کا حکم دیا تھا۔
بشکریہ:مرکزاطلاعات فلسطین