(روزنامہ قدس ۔آن لائن خبر رساں ادارہ) تحریک فتح کے رہنما نے فلسطین میں امن عمل کیلئے یوروپی یونین کی خصوصی مندوب سے ملاقات میں حالیہ پیشرفت اور آئندہ کی حکمت عملی پر تبادلہ خیال کیا۔
گزشتہ روز تحریک فتح کی مرکزی کمیٹی کے رہ نما جبریل الرجوب نے رام اللہ میں اپنے دفتر میں امن عمل کے لئے یوروپی یونین کی خصوصی مندوب ، سوزانا ٹرسٹل سے ملاقات میں اسلامی مزحمتی تحریک حماس اور تحریک فتح کے درمیان قومی مفاہمت سے متعلق تازہ ترین پیشرفت سے آگاہ کرتے ہوئیے کہا ہے کہ مفاہمت کے حصول کی راہ پر اگلا قدم جامع انتخابات کے لئے صدارتی فرمان جاری کرنا ، اور تمام مسائل کو حل کرنے کے لئے قومی بنیادوں پر دونوں جماعتوں کے درمیان جامع اور کامیاب مذاکرات ہیں ۔
انھوں نے بتایا کہ ہماری بنیادی مقصد منصفانہ جمہوری انتخابات کے ذریعے قومی شراکت کا حصول جس کا مقصد فلسطینی سیاسی نظام کی قانونی حیثیت کی تجدید ہے۔
واضح رہے کہ اس سے قبل اسلامی تحریک مزاحمت ‘حماس’ کے سیاسی شعبے کے نائب صدر اور مصالحتی کمیٹی کے رکن صالح العاروی کے بیان پر اپنے ردعمل میں تحریک فتح کی مرکزی کمیٹی کے رہ نما جبریل الرجوب نے کہا ہے کہ دونوںجماعتیں کسی اندرونی یا بیرونی دباؑ میں آئے بغیر مصالحتی عمل کے لیے مذاکرات جاری رکھیں گی۔