مرکز اطلاعات فلسطین کے مطابق حماس کے سیاسی شعبے کے رکن عزت الرشق نے اپنے ایک بیان میں فلسطینی مرابطات کے حادثے میں ہونے والی المناک موت پر افسوس کا اظہار کرتے ہوئے متاثرہ خاندانوں سے مکمل ہمدردی کا اظہار کیا۔ انہوں نے کہا کہ ٹریفک حادثے میں موت سے ہمکنار ہونے والی تمام خواتین شہید ہیں کیونکہ وہ قبلہ اول کے دفاع کے عظیم مشن پر نکلی تھیں کہ موت نے ان کو آلیا۔ عزت الرشق کا کہنا تھا فلسطینی عوام قبلہ اول کےدفاع کے لیے قربانیاں دینے والوں کو ہمیشہ یاد رکھیں گے۔ شہید ہونے والی خواتین بھی قبلہ اول کی محافظ تھیں اور انہوں نے اپنا تن من دھن سب کچھ اللہ کے گھر کی حفاظت کے لیے مختص کر رکھا تھا۔ فلسطینی عوام ان کی قربانی کو کبھی فراموش نہیں کریں گے۔
خیال رہے کہ گذشتہ روز شمالی فلسطین کے شہر بئر سبع میں فلسطینی خواتین کو لانے والی ایک وین سامنے سے آنے والے ٹرک سے ٹکرا گئی تھی جس کے نتیجے میں وین میں سوار آٹھ خواتین جاں بحق ہوگئی تھیں۔
بشکریہ:مرکزاطلاعات فلسطین