مرکزاطلاعات فلسطین کے مطابق غزہ کی پٹی میں طلباء تنظیم اسلامک بلاک کے زیراہتمام ایم سیمینار سے خطاب کرتے ہوئے ڈاکٹر الزھار نے پورے یقین کے ساتھ کہا کہ فلسطینیوں کی موجودہ نسل جلد آزادی کے ساتھ مسجد اقصیٰ میں نماز ادا کر سکے گی۔
انہوں نے کہا کہ حماس فلسطین کی آزادی کو قرآنی حقیقت سمجھتی ہے جو جلد آزادی کی منزل سے ہم کنار ہو گا۔ انہوں نے کہا کہ بیت المقدس پرصہیونی قبضے کا خاتمہ اتنا ہی قریب ہے جتنا صہیونی سوچ بھی نہیں سکتے۔
انہوں نے کہا کہ بیت المقدس اور مسجد اقصیٰ کے دفاع کے لیے ہرقسم کی قربانی دینا ہمارا بنیادی فریضہ ہے۔ صہیونی ریاست اور انتہا پسند یہودیوں نے اپنے دفاع کے لیے طرح کے وسائل سے خود کو لیس کررکھا ہے۔ فلسطینیوں کو بھی اپنے مقدس مقام کے دفاع کے لیے تمام تر وسائل کو بروئے کار لانا چاہیے۔
ڈاکٹر الزھار کاکہنا تھا کہ غزہ کی پٹی مصرکے لیے ایک دفاعی لائن ہے جس نے مصر کو اسرائیلی توسیع پسندی اور قبضے سے بچا رکھا ہے۔ یہ ایک یسا حصن حصین ہے جس نے مصر کی مشرقی حدود کی حفاظت کی ہے۔
بشکریہ:مرکزاطلاعات فلسطین