(روزنامہ قدس ۔آن لائن خبر رساں ادارہ) حماس کے رہنما کا کہنا ہے کہ صیہونی زندانوں میں قید فلسطینی پوری قوم کے ہیرو اور عزم واستقامت کی عظیم الشان مثال ہیں۔
فلسطینی قیدیوں کے ساتھ اظہاریکجہتی کے نامزد یوم اسیران کے موقع پر اسلامی تحریک مزاحمت ‘حماس’ کے بیرون ملک امور کے ذمہ دار ماھر صلاح نے کہا ہے کہ قابض ریاست کے عقوبت خانوں میں فلسطینیوں کی باعزت رہائی حماس کی اولین ترجیح ہے۔
انھوں نے کہا کہ فلسطین کی آزادی کیلئے جدوجہد کی پاداش میں صیہونی زندانوں میں قید کاٹنے والے پوری قوم کے ہیرو ہیں جنہوں نے اپنی زندگی کا ایک بڑا حصہ وطن پرفدا اور قربان کیا ہے اور عزم واستقامت کی عظیم الشان مثال بیان کی۔
واضح رہے کہ فلسطین میں ہرسال 17 اپریل کو یوم اسیران منایا جاتا ہے۔