مرکزاطلاعات فلسطین کے مطابق عوامی محاذ کے سیاسی شعبے کے سینیر رکن ذوالفقار سویرجو نے الاقصیٰ ٹی وی کے پروگرام’’ھنا فلسطین‘‘ میں گفتگو کرتےہوئے کہا کہ حماس صرف فلسطین کی تنظیم ہے جو فلسطینیوں کی تحریک آزادی کے لیے جدو جہد کررہی ہے۔جماعت پر مصرکے اندورنی معاملات میں مداخلت کا الزام جھوٹ کا پلندہ ہے۔
انہوں نے کہا کہ مصری عدالت کی جانب سے حماس کو دہشت گرد گروپ قرار دیا جانا نہایت خطرناک فیصلہ ہے اور اس فیصلے کے فلسطینی عوام بالخصوص غزہ کی پٹی کےعوام پر نہایت منفی اثرات مرتب ہوں گے۔
ذوالفقار سویرجو کاکہنا تھا کہ مصر کی عدالت نے کسی ثبوت کے بغیر حماس کو دہشت گرد قراردیا ہے۔ یہ ہراعتبار سے ایک سیاسی فیصلہ ہے جس کا آئین اور قانون سے کوئی تعلق نہیں ہے۔ ان کی جماعت اس فیصلے کی مذمت کرتے ہوئے اس پر نظرثانی کا مطالبہ کرتی ہے۔ عوامی محاذ کے رہ نما نے فلسطینی اتھارٹی کے سربراہ محمود عباس پر بھی کڑی تنقید کی اور کہا کہ وہ فلسطینی تنظیموں کو دوسرے ممالک میں تحفظ دلانے میں بری طرح ناکام رہے ہیں۔
بشکریہ:مرکزاطلاعات فلسطین