(روزنامہ قدس ۔آن لائن خبر رساں ادارہ) قابض اسرائیلی فوج نے آج صبح حماس رہنما شیخ حسن یوسف کے گھر چھاپہ مار ا اور ان کو تفتیش کیلئے صیہونی حراستی مرکز طلب کرلیا۔
حماس رہنما شیخ حسن یوسف کے صاحبزادے اویس حسن نے بتایا کہ آج صبح صیہونی فوج کی بھاری تعداد نے بیتونیا میں ان کے گھر پر چھاپہ مارا اور تلاشی کے نام پر لوٹ مار اور توڑپھوڑ کرنے کے بعد ان کے والد کو آئندہ منگل کو تفتیش کیلئے حراستی مرکز میں طلب کیا ہے۔
واضح رہے کہ حماس رہنما 16 ماہ انتظامی حراست کی غیر قانونی پالیسی کےتحت صیہونی زندانوں میں قید رہنے کے بعد گزشتہ جولائی کی 23 تاریخ کو رہاکیئے گئے تھے ۔