(روز نامہ قدس ۔آنلائن خبر رساں ادارہ ) اسماعیل ھنیہ نے اسرائیلی فوج کی وحشیانہ بمباری میں زخمی ہونے والے فلسطینیوں کی ترکی کے اسپتال میں عیادت کی ، مریضوں سے ملاقات میں انھوں نے زخمیوں کے جذبے، حوصلے اور ہمت کو سراہتے ہوئے ان کی جلد صحت یابی کی دعاکی۔
تفصیلات کے مطابق اسلامی تحریک مزاحمت ‘حماس’ کے سیاسی شعبے کے سربراہ اسماعیل ھنیہ نے جماعت کے اعلیٰ اختیاراتی وفد کے ہمراہ اسرائیلی فوج کی وحشیانہ بمباری میں زخمی ہونے والے فلسطینیوں سے ترکی کے استپال میں دوران علاج ملاقات کی ۔
زیرعلاج فلسطینی زخمیوں سے بات کرتے ہوئے اسماعیل ھنیہ نے کہا کہ فلسطینی قوم اپنے حقوق کے حصول کے لیے ہرطرح کی قربانیوں کا سلسلہ جاری رکھے گی، فلسطینی عوام اپنے حقوق کے حصول کے لیے بہادری اور جانثار سے لڑ رہے ہیں۔ انہوں نے ترکی کی طرف سے غزہ میں جنگ کے زخمیوں کو ہرممکن طبی سہولیات کی فراہمی پر انقرہ کا خصوصی شکریہ ادا کیا۔