اسلامی تحریک مزاحمت [حماس] کے پولٹ بیورو کے رکن عزت الرشق نے اسرائیل کی جانب سے مسجد اقصٰی کی بے حرمتی اور تلمودی رسومات کی ادائیگی کے مطالبات سے خبردار کرتے ہوئے ان اقدامات کے سنگین نتائج سے خبردار کیا ہے۔
رشق نے قدس پریس کو دئیے جانے والے ایک بیان میں کہا ہے "مسجد الاقصٰی کو درپیش خطرات اور مشکلات فلسطینی، عرب اور مسلم رہنمائوں کی اولین ترجیح ہونا چاہئیے ہے۔ مسجد کے دفاع اور مسلمان نمازیوں کی حفاظت کے لئے سنجیدہ اور فوری اقدامات کی اشد ضرورت ہے۔”
حماس رہنما نے فلسطینی عوام اور مسجد میں دھرنا دئیے ہوئے افراد سے مطالبہ کیا کہ وہ ان حملوں کے جواب میں ثابت قدمی کا مظاہرہ کریں اور مسجد میں اپنی موجودگی کو مزید بڑھا دیں تاکہ اسرائیلی بلوائیوں کا مقابلہ کیا جاسکے۔
رشق نے تمام میڈیا اداروں سے اپیل کی کہ وہ مقبوضہ بیت المقدس میں ہونے والے تمام واقعات کی کوریج کریں تاکہ جنونی اسرائیلیوں کی تمام کارروائیوں کو دنیا کے سامنے پیش کیا جاسکے۔
بشکریہ:مرکزاطلاعات فلسطین