(روز نامہ قدس ۔آنلائن خبر رساں ادارہ ) صہیونی فوج نےدوماہ قبل غزہ میں بد ترین بمباری کی اور مزاحمتکاروں کے ٹھکانوں سمیت شہری آبادی کو نشانہ بنایا تھا جس سے 300 کے قریب بے گناہ فلسطینی شہید ہوئے جن میں خواتین اور بچے بھی شامل ہیں۔
ذرائع کے مطابق اسرائیلی چینل12 کے مطابق مقبوضہ فلسطین کےعلاقےغزہ میں گذشتہ مئی کے مہینے میں ہونے والی اسرائیلی فوجی بمباری کے جواب میں حماس اور دوسری اسلامی تنظیموں کی جانب سےرد عمل میں راکٹ حملوں سے عسقلان شہر میں اسرائیلی عمارتوں کوشدید نقصان پہنچا ہے۔
چینل کے مطابق غزہ کی پٹی سے داغے گئے راکٹوں کے نتیجے میں اسرائیل کی پٹرولیم کمپنی کازا کے ایک تیل کے گودام کو نقصان پہنچا۔ فلسطینی راکٹ حملوں سے تیل پائپ لائن میں آگ لگ گئی تھی اوراس غیرمعمولی آتش زدگی کے نتیجے میں عسقلان میں یہودی آباد کار شدید دھوئیں سے دم گھٹنے سےشدید متاثر ہوئے جبکہ اس گودام سے عسقلان اور ایلات کے درمیان تیل سپلائی کرنےکاسلسلہ بھی کئی روز تک منقطعہ رہا۔
واضح رہے کہ صہیونی فوج نےدوماہ قبل غزہ میں بد ترین بمباری کی اور مزاحمتکاروں کے ٹھکانوں سمیت شہری آبادی کو نشانہ بنایا تھا جس سے 300 کے قریب بے گناہ فلسطینی شہید ہوئے جن میں خواتین اور بچے بھی شامل ہیں جبکہ اس بمباری کے نتیجے میں سینکڑوں افراد معزور اور ہزاروںبے گھر ہوگئے ہیں۔