(روز نامہ قدس ۔آنلائن خبر رساں ادارہ ) صیہونی وزیراعظم نے غزہ پر اسرائیلی دہشتگردی جاری رکھنے کا اعلان کرتےہوئے کہا ہے کہ نتائج کے حصول کیلئے غزہ پر حملےجاری رکھیں جائیں گے۔
غزہ پر جاری صیہونی ریاستی دہشتگردی پر عالمی اداروں کی جانب سے خاموشی اور صیہونی ریاست کے سنگین جنگی جرائم پر مجرمانہ خفیہ حمایت پر جہاں دنیا بھر کے مختلف ممالک میں احتجاجی مظاہرے کئے جارہے ہیں وہی صیہونی ریاست کے وزیر اعظم نیتن یاھو نے ہٹ دھرمی کا مظاہرہ کرتے ہوئے اعلان کیا ہے کہ غزہ میں اپنے مطلوبہ نتائج کے حصول تک حملے جاری رکھے جائیں گے۔
نیتن یاھو کے بیان پر اپنے ردعمل میں صیہونی ریاست کے مظالم کے خلاف برسرپیکار اسلامی مزاحمتی تحریک حماس نے بیان جاری کیا ہے جس میں صیہونی وزیراعظم کو مخالب کرتے ہوئے کہا گیا ہے کہ فلسطینی صیہونی مظالم سے نہ پہلے کبھی ڈرے تھے اور نا کبھی ڈریں گے، ارض مقدس کے دفاع کیلئے خون کے آخری قطرے تک لڑیں گے۔