(روز نامہ قدس ۔آنلائن خبر رساں ادارہ ) اسماعیل ھنیہ نے موریتانوی علما کی فلسطینی قوم کے حقوق کی غیر مشروط اور بے لوث حمایت پران کا شکریہ ادا کرتے ہوئےموریتانوی حکومت کی جانب سے عرب لیگ اور دوسرے عالمی فورمز پر فلسطینیوں کے حقوق کے لیے آواز بلند کرنے کو بھی سراہا۔
مقبوضہ فلسطین میں صیہونی ریاستی دہشتگردی اور بدترین مظالم کے خلاف برسرپیکار اسلامی مزاحمتی تحریک ’حماس‘ کے سیاسی شعبے کےسربراہ اسماعیل ھنیہ گذشتہ روز موریتانیہ پہنچے جہاں انہوں نےدارالحکومت نواکشوط میں علما ئے دین اور سول سوسائٹی کی نمائندہ شخصیات سے ملاقاتیں کیں۔
اسماعیل ہنیہ کی قیادت میں فلسطینی عہدیداران کے اس وفد کے ساتھ موریتانیہ کے علما ءنے فلسطینی قوم کی غیر مشروط حمایت جاری رکھنے کے عزم کا اعادہ کرتے ہوئے کہا کہ فلسطین موریتانوی قوم کے اجماع کی بنیاد ہے اور اس پر کسی کو کوئی اختلاف نہیں۔
انہوں نے حماس کی قیادت کو غزہ میں مزاحمت کی فتح کی مبارک باد پیش کی اور اس فتح کو موریتانوی قوم اور پوری مسلم امہ کی فتح قرار دیا۔
اس موقعے پراسماعیل ہنیہ نے موریتانوی علما کی فلسطینی قوم کے حقوق کی غیر مشروط اور بے لوث حمایت پران کا شکریہ ادا کرتے ہوئےموریتانوی حکومت کی جانب سے عرب لیگ اور دوسرے عالمی فورمز پر فلسطینیوں کے حقوق کے لیے آواز بلند کرنے کو بھی سراہا۔