(روز نامہ قدس ۔آنلائن خبر رساں ادارہ ) صہیونی فضائی حملے میں حماس کے زیر انتظام ریڈیو اسٹیشن ،الاقصیٰ ریڈیو میں صحافت کے شعبے سے منسلک صحافی کی شہادت ہو گئی۔
اسرائیل کے عبرانی ٹی وی چینل 13کے مطابق آج علی الصبح اسرائیلی فضائی حملے میں مقبوضہ فلسطین میں اسرائیلی لڑاکا طیاروں نے شمالی غزہ شہر میں براہ راست ایک اپارٹمنٹ کو نشانہ بنایا جس کے نتیجے میں عمارت کو شدید نقصان پہنچا جبکہ عمارت کے رہائشی فلسطینی مقامی ریڈیو صحافی یوسف ابوحسین شہید ہوگئے۔
شہید ہونے والے صحافی یوسف ابوحسین جوغزہ میں قائم اسلامی تحریک حماس کے زیر انتظام ریڈیو اسٹیشن، الاقصیٰ ریڈیو میں صحافت کے شعبے سے منسلک تھے ،صہیونی جنگی طیاروں نے صحافی کے گھر کو براہ راست نشانہ بناتے ہوئےمکمل تباہ کر دیا ۔