(روز نامہ قدس ۔آنلائن خبر رساں ادارہ ) مقبوضہ فلسطین میں صہیونی فوج کی جانب سےدو روز کے اندر اسرائیلی حملوں میں اب تک شہید ہونے والے نہتے فلسطینی باشندوں کی تعداد 24 تک پہنچ گئی ہے جن میں نو بچے بھی شامل ہیں۔
تفصیلات کے مطابق قابض صہیونی جنگی طیاروں نے آج ایک مرتبہ پھر مقبوضہ فلسطین کے محصور علاقے غزہ کی پٹی میں حملے کیے ہیں جن میں فلسطینی وزارتِ صحت کے مطابق مزید دو افرادشہید کر دیے گئے ہیں جبکہ دو روز کے اندر اسرائیلی حملوں میں اب تک شہید ہونے والے نہتے فلسطینی باشندوں کی تعداد 24 تک پہنچ گئی ہے جن میں نو بچے بھی شامل ہیں۔
واضح رہے کہ غزہ کی پٹی پرقابض صہیونی ریاست کی جانب سے ان حملوں کا سلسلہ ایک روز قبل اس وقت شروع ہوا تھا جب صیہونی ریاستی دہشتگردی اور بدترین مظالم کے خلاف برسرپیکار اسلامی مزاحمتی تحریک حماس کی جانب سے اسرائیلی علاقوں پر راکٹ داغےگئے تھے، ان راکٹ حملوں میں اب تک چھ صہیونی شہریوں کے زخمی ہونے کی تصدیق کی گئی ہے۔
اسلامی مزاحمتی تحریک حماس کی جانب سےیہ کارروائی مقبوضہ بیت المقدس میں قابض اسرائیلی پولیس سے جھڑپوں میں پیر کے روز تک 700 سے زیادہ فلسطینیوں کے زخمی ہونے کے بعد کی گئی تھی۔
دونوں جانب سے حملوں کا سلسلہ پیر کی شب بھی نہیں رُکا اورتاحال بھی حماس اور صہیونی فوج میں لڑائی جاری ہے۔