(روزنامہ قدس – آنلائن خبر رساں ادارہ) غزہ میں جاری صیہونی دہشتگردی کے جواب میں حماس کے عسکری ونگ القسام بریگیڈز نے گزشتہ ایک ہفتے کے دوران غیر قانونی صیہونی ریاست اسرائیل کی افواج پر متعدد مہلک حملے کیے ہیں، جن میں درجنوں صیہونی فوجی ہلاک اور زخمی ہوئے جبکہ مہنگے فوجی سازوسامان تباہ کر دیے گئے۔
الفخاری میں بکتر بند پر میزائل حملہ
الاقسام بریگیڈز نے اعلان کیا ہے کہ گزشتہ پیر کو خان یونس کے مشرق میں واقع الفخاری کے علاقے میں ایک صیہونی بکتر بند گاڑی کو P-29 میزائل سے نشانہ بنایا گیا۔ اس حملے کے بعد علاقے میں صیہونی ہیلی کاپٹروں کی آمد و رفت دیکھی گئی، جس سے اس حملے کے ممکنہ نقصانات کا اندازہ لگایا جا رہا ہے۔
القارا میں پیچیدہ کارروائی، کئی صیہونی فوجی ہلاک
اتوار کے روز القسام بریگیڈز نے ایک اور بڑے حملے کی ذمہ داری قبول کی، جو کہ گزشتہ منگل کی صبح خان یونس کے مشرقی علاقے القارا میں کیا گیا۔ صیہونی فوج کے ایک یونٹ نے ایک گھر میں داخل ہونے کی کوشش کی جسے القسام مجاہدین نے پہلے سے دھماکا خیز مواد سے لیس کر رکھا تھا۔ گھر کو مکمل طور پر دھماکے سے اڑا دیا گیا، جس کے نتیجے میں متعدد صیہونی فوجی ہلاک اور زخمی ہوئے۔
مزید برآں، جب دیگر فوجی موقع پر پہنچے تو ان پر زیرِ زمین سرنگ میں نصب بم پھاڑا گیا اور چھپے ہوئے مجاہدین نے فائرنگ کر کے ان پر مزید جانی نقصان پہنچایا۔
صیہونی افواج کو ایک ہفتے میں کتنا نقصان پہنچا؟
ذرائع کے مطابق، ان دو کارروائیوں سمیت صرف ایک ہفتے کے دوران غیر قانونی صیہونی ریاست اسرائیل کی افواج کو جانی و مالی نقصان اٹھانا پڑا: 20 سے زائد صیہونی فوجی ہلاک یا شدید زخمی ہوئے، ایک جدید بکتر بند گاڑی تباہ
ایک فوجی یونٹ مکمل طور پر محاصرہ اور حملے کی زد میں نقل و حرکت کے لیے استعمال ہونے والے ہیلی کاپٹرز کو فوری انخلا پر مجبور ہونا پڑایہ نقصان ایک ایسے وقت میں ہوا ہے جب صیہونی ریاست پہلے ہی رفح اور خان یونس میں شدید زمینی مزاحمت اور عالمی دباؤ کا سامنا کر رہی ہے۔
مزاحمت جاری رہے گی
القسام بریگیڈز نے اپنے بیان میں واضح کیا ہے کہ فلسطینی سرزمین پر قبضے کے خلاف مزاحمت کا یہ عمل جاری رہے گا۔ انہوں نے کہا: "جب تک غیر قانونی صیہونی ریاست اسرائیل غزہ کی سرزمین سے مکمل انخلا نہیں کرتی، ہماری مزاحمت مختلف محاذوں پر جاری رہے گی۔”
انہوں نے اقوام عالم پر زور دیا کہ وہ اسرائیلی جنگی جرائم اور انسانی حقوق کی خلاف ورزیوں پر اپنی خاموشی ختم کریں اور فلسطینی عوام کی مدد کریں جو صیہونی ریاست کے انسانیت سوز مظالم کا شکار ہیں۔