(روز نامہ قدس ۔آنلائن خبر رساں ادارہ ) خالد قدومی کا کہنا ہے کہ صیہونی ریاستی سرپرستی میں ہونی والی پرچم ریلی میں صیہونیوں کی حماس کے جوابی حملوں کے باعث عدم شرکت مزاحمت کاروں کی جیت ہے صیہونی یہ بات جان چکے ہیں کہ فلسطین میں صیہونیت کو مکمل شکست ہوچکی ہے اور مزاحمت فتح یاب ہوئی ہے۔
گذشتہ روز مقبوضہ بیت المقدس میں غیر قانونی صیہونی آبادکاروں کی جانب سے مسجد اقصیٰ کے باب العمود میں نکالی جانے والی اشتعال انگیز ریلی کی سخت الفاظ میں مذمت کرتےہوئے ایران میں حماس کے سفیر خالد قدومی نے کہا ہے کہ غیرقانونی آبادکاروں کی ریلی میں استعمال ہونےو الے جملے اس بات کی دلیل ہے کہ صیہونی ایک دہشتگرد غیر تہذیب یافتہ افراد پر مشتمل گروہ ہے جو ہر سال مسلمانوں کے مقدس مقامات کی بے حرمتی کیلئے مسجد اقصیٰ پہنچنے کی کوشش کرتا ہے تاہم آج تک بہادر فلسطینیوں کی جرات اور بہادری کے باعث اس دہشتگرد جرائم پیشہ گروہ کو اپنے مقاصد میں کامیابی حاصل نہیں ہوسکی ہے۔
انھوں نے بتایاکہ جرائم پیشہ ذہینت رکھنے والے صیہونی آبادکاروں نے مسلمانوں کے خلاف اشتعال انگیزی کی جس میں انھوں نے عربوں اور فلسطینیوں کو شہید کرنے اور بے گھر کرنے کا کھلے عام اعلان کیا جو غیر قانونی نسل پرست ریاست کی پالیسی اور انسانی حقوق کی بدترین خلاف ورزیوں کی غمازی کرتی ہے۔
انھوں نے بتایا کہ بین الاقوامی میڈیا پر دکھائی جانے والی ویڈیوز میں باآسانی دیکھا جاسکتا ہے کہ ڈھائی ہزار سے زائد صیہونی سیکیورٹی فورسز کے حفاظتی حصار میں پانچ سو کے قریب صیہونی آبادکار اس پرچم ریلی میں شریک ہوئے جس میں بہت بڑی تعداد بچوں کی ہے یہ اس بات ثبوت ہے کہ صیہونی آبادکار حماس کی جانب سے دی جانے والی دھمکی سے کس قدر خوفزدہ ہیں اور اس ریلی جس کی اجازت حالیہ سبکدوش ہونےوالے صیہونی وزیراعظم نیتن یاھو کی جانب سے دی گئی تھی میں شریک ہوئے۔
انھوں نے مزید بتایا کہ اتنی بڑی فوجی سیکیورٹی کے باوجود وہ اپنے عوام کو اس ریلی میں شرکت کیلئے راضی نہیں کرسکے اور صرف چالیس منٹ تک جاری رہنے والی بہیودہ اور بدتہذیب مارچ کو مسجد اقصیٰ میں موجود فلسیطنیوں کی جانب سے بھرپور جواب دینے پر ختم کرنا پڑا۔