(روز نامہ قدس ۔آنلائن خبر رساں ادارہ ) ٹیلی فونک گفتگو میں جوبائیڈن نےغزہ میں کشیدگی کے خاتمے کی ضرورت پر زور دیا اور کہا کہ جنگ بندی کی راہ ہموار کی جائے،حالانکہ نیتن یاہو نے ‘مقصد حاصل ہونے تک‘فوجی کارروائی جاری رکھنے کا اعلان کیا ہے۔
غیر ملکی خبر رساں ادارے کی جانب سے وائٹ ہاوس کےایک عہدیدار کے مطابق اطلاعات ہیں کہ امریکی صدر جو بائیڈن نےگذشتہ روز صہیونی ریاست کے وزیر اعظم بینجمن نیتن یاہو سے ایک ہفتے کے اندر چوتھی مرتبہ فون کال کی ہے۔
اس ٹیلی فونک گفتگو میں جوبائیڈن نےغزہ میں کشیدگی کے خاتمے کی ضرورت پر زور دیا اور کہا کہ جنگ بندی کی راہ ہموار کی جائے،حالانکہ نیتن یاہو نے ‘مقصد حاصل ہونے تک‘فوجی کارروائی جاری رکھنے کا اعلان کیا ہے۔
دونوں رہنماؤں نے غزہ میں رونما ہونے والے واقعات، حماس اوردوسرے عناصر کی جنگی صلاحیتوں کو کم کرنے کے لیے اسرائیل کی پیش رفت اورعلاقائی حکومتوں کی سفارتی کوششوں کے بارے میں تفصیلی تبادلہ خیال کیا ہے۔
دوسری جانب اسرائیلی وزیراعظم نے اپنے ویڈیو بیان میں بھی حماس کے خلاف حملے جاری رکھنے کا اعلان کیاہے۔
خیال رہے کہ اسرائیلی فوج نے غزہ میں حماس کی 100 کلومیٹر طویل سرنگوں کو تباہ کرنے کا دعویٰ بھی کیا ہے اور اسرائیلی حملوں میں شہدا کی تعداد242 ہوگئی جب کہ 1500 سے زائد زخمی ہیں۔