(روزنامہ قدس ـ آنلائن خبر رساں ادارہ) اسلامی تحریک مزاحمت ’حماس‘ کے عسکری ونگ القسام بریگیڈز نے اعلان کیا ہے کہ القسام بریگیڈ ریڈ کراس کی جانب سے دشمن کے قیدیوں کے لیے خوراک اور دوا لے جانے کی کسی بھی درخواست پر مثبت ردعمل دینے اور تعاون کے لیے تیار ہے۔
القسام بریگیڈز کے عسکری ترجمان ابو عبیدہ نے اتوار کی شب اپنے سرکاری ٹیلیگرام چینل پر جاری ایک بیان میں کہا کہ ہم ریڈکراس کی درخواست کو اس شرط کے ساتھ قبول کرتے ہیں کہ انسانی امداد کے راستے فطری اور مستقل انداز میں کھولے جائیں تاکہ غذا اور دوا غزہ کے تمام علاقوں میں ہماری تمام عوام تک پہنچ سکے اور ساتھ ہی جب قیدیوں کے لیے یہ امدادی پیکج دیے جا رہے ہوں تو دشمن کی فضائی پروازیں مکمل طور پر بند کی جائیں۔
ابو عبیدہ کا مزید کہنا تھا کہ القسام بریگیڈ دانستہ طور پر دشمن کے قیدیوں کو بھوکا نہیں رکھتی لیکن وہی خوراک دی جاتی ہے جو ہمارے مجاہدین اور عام عوام کھاتے ہیں، محاصرے اور فاقہ کشی کی موجودہ مجرمانہ حالت میں کسی قسم کی خاص رعایت نہیں دی جائے گی۔
