خان یونس: القسام کا صہیونی ٹروپ کیریئر پر مہلک حملہ

(روزنامہ قدس ـ آنلائن خبر رساں ادارہ) اسلامی تحریک ِمزاحمت حماس کے عسکری ونگ القسام بریگیڈز نے اعلان کیا ہے کہ انہوں نے غزہ کی پٹی کے جنوبی شہر خان یونس میں ایک قابض اسرائیلی فوجی گاڑی کو کامیابی سے نشانہ بنایا ہے۔

ایک عسکری بیان کے مطابق القسام کے مجاہدین نے خان یونس کے شمال میں السطر الغربی کے علاقے میں شارع نمبر پانچ کے قریب ایک نمر طرز کی فوجی گاڑی کو یاسین ایک سو پانچ راکٹ سے نشانہ بنایا۔ بیان میں کہا گیا کہ حملے کے وقت گاڑی پر ایک سفاک صہیونی فوجی سوار تھا۔

یہ کارروائی غزہ میں جاری فلسطینی مزاحمت کا حصہ ہے جہاں مزاحمتی گروہ قابض اسرائیلی فوج کے خلاف مختلف محاذوں پر مسلسل کارروائیاں کر رہے ہیں۔ ان کارروائیوں میں گھات لگا کر حملے، بکتر بند گاڑیوں کی تباہی اور قابض شہروں پر راکٹ حملے شامل ہیں۔

ظالم و جابر فوج کے سرکاری اعداد و شمار کے مطابق ساتھ اکتوبر 2023 سے اب تک آٹھ سو پچانوے صہیونی فوجی جہنم واصل ہو چکے ہیں تاہم فلسطینی مزاحمتی ذرائع کا دعویٰ ہے کہ اصل تعداد اس سے کہیں زیادہ ہے جسے قابض ریاست چھپا رہی ہے۔