الزیتون محاذ پر القسام بریگیڈز کا وار، صہیونی ٹینک تباہ
بیان میں مزید بتایا گیا کہ حملے کے بعد قابض اسرائیلی فوج کا ہیلی کاپٹر جائے وقوعہ پر اترا جس سے یہ واضح ہوتا ہے کہ دشمن کو بھاری جانی نقصان اٹھانا پڑا۔
(روزنامہ قدس ـ آنلائن خبر رساں ادارہ) اسلامی تحریک مزاحمت "حماس” کے عسکری ونگ القسام بریگیڈز نے اعلان کیا ہے کہ اس کے مجاہدین نے جنوبی غزہ کے الزيتون محلے میں قابض صہیونی ٹینک کو زوردار زمینی دھماکہ خیز مواد سے نشانہ بنایا ۔
القسام بریگیڈز نے اپنے ٹیلیگرام چینل پر جاری بیان میں بتایا کہ کارروائی ہفتہ کے روز کی گئی جب مشرقی الزيتون کے علاقے میں مجاہدین نے ایک صہیونی ٹینک کی نقل و حرکت کو ٹریک کرتے ہوئے زمین میں نصب دھماکہ خیز مواد سے تباہ کن حملہ کیا۔ بیان میں مزید بتایا گیا کہ حملے کے بعد قابض اسرائیلی فوج کا ہیلی کاپٹر جائے وقوعہ پر اترا جس سے یہ واضح ہوتا ہے کہ دشمن کو بھاری جانی نقصان اٹھانا پڑا۔
دوسری جانب عبرانی ذرائع ابلاغ نے بھی ہفتہ کے دن ہونے والی جھڑپوں میں کم از کم پانچ صہیونی فوجیوں کے زخمی ہونے کی تصدیق کی ہے۔ یہ فوجی مختلف علاقوں میں فلسطینی مزاحمت کے ساتھ ہونے والی جھڑپوں کے نتیجے میں زخمی ہوئے۔
یہ کارروائی اس حقیقت کی گواہ ہے کہ غزہ کی فضا میں قابض اسرائیل کے جنگی طیارے اور ٹینکوں کی گرج کے باوجود فلسطینی مزاحمت اپنی پوری قوت کے ساتھ میدان میں موجود ہے۔ القسام بریگیڈز کا ہر وار صہیونی جارحیت کا جواب ہے جو فلسطینی زمین پر قبضے، نسل کشی اور جبری ہجرت کے خلاف ایک پکار ہے۔
غزہ کا الزيتون محلہ جو مہینوں سے قابض صہیونی بمباری کا ہدف بنا ہوا ہے آج بھی مزاحمت کے جذبے سے زندہ ہے۔ یہاں کی گلیاں، ملبوں میں دفن اسکول اور شہداء کے خون سے رنگی دیواریں آج بھی صہیونی فوج کو للکار رہی ہیں۔
