اسلامی تحریک مزاحمت ۔ حماس نے فلسطین، اسلامی اور عرب ممالک اور دنیا بھر میں بسنے والی مسیحیوں کو کرسمس کی آمد پر مبارکباد پیش کی ہے۔ جلیل القدر پیغمبر عیسی علیہ السلام کی ولادت کی مناسبت سے دنیا بھر کرسمس کا تہوار منایا جا رہا ہے۔
اسلامی تحریک مزاحمت ۔ حماس نے ہفتے کی شام جارہ کردہ اپنے بیان میں کہا کہ ’’اسلامی تحریک مزاحمت ۔ حماس انبیاء و رسل کی سرزمین فلسطین، عرب اور اسلامی دنیا اور دیگر تمام ممالک میں بسنے والے اپنے مسیحی بھائیوں کو مبارک باد پیش کرتی ہے۔
حماس کی جانب سے جاری کردہ بیان میں کہا گیا ہے کہ تحریک جلیل القدر پیغمبر حضرت عیسی علیہ السلام کے یوم پیدائش کے موقع پر فلسطین، اسلامی اورعرب دنیا اور دنیا بھر کے ممالک میں بسنے والی عیسائی کمیونٹی کو مبارکباد پیش کرتی ہے۔
حماس کا کہنا تھا کہ اس مرتبہ عید کے اس اہم موقع کو قوم کے تمام افراد کو متحد کرنے کے لیے استعمال کیا جانا چاہیے۔