اسرائیل نے 21 نومبر کو حماس کے ساتھ طے پانے والے سیز فائر کی تازہ خلاف ورزی کرتے ہوئے خانیونس کے مشرقی علاقے اور جنوبی غزہ کی پٹی میں فلسطینی مچھیروں کی کشتیوں پرمشین گنوں سے فائرنگ کی ہے۔
مقامی ذرائع نے مرکز اطلاعات فلسطین کے نمائندے کو بتایا کہ مشرقی خانیونس میں قابض اسرائیلی فوج کے ٹھکانوں سے شہر کی متعدد رہائشی کالونیوں اور اور زرعی اراضی پر جمعہ کے روز مشین گنوں سے فائرنگ کی گئی تاہم اس فائرنگ میں کسی قسم کے نقصان کی اطلاع نہیں ملی۔
ایسی ہی ایک دوسری پیش رفت میں اسرائیلی نیوی کی لڑاکا کشتیوں سے رفح کی جانب فلسطینی مچھیروں کی کشتیوں پر فائرنگ کی گئی، اس میں بھی کسی قسم کے جانی نقصان کی اطلاع نہیں ملی۔
بشکریہ:مرکز اطلاعات فلسطین