خبر رساں ادارے ‘قدس پریس’ سے بات کرتے ہوئے کہا کہ مسجد اقصی کے خلاف خطرات اور چیلنجز میں تیزی سے اضافہ ہو رہا ہے۔ ایسے میں قبلہ اول کا دفاع فلسطینی، عرب اور اسلامی قیادت کی اولین ترجیح ہونا چاہئے اور مسجد کے تحفظ کی خاطر وہاں پر پہرہ دینے والوں کے تحفظ اور ان سے اظہار یکجہتی کے لئے فوری اقدامات کیے جانے چاہیں۔
انہوں نے القدس، غرب اردن اور پورے فلسطین کے باسیوں سے اپیل کی ہے کہ وہ اسرائیلیوں کے اشتعال انگیز اقدامات کا مقابلہ کرنے کے لئے اقصی کی جانب رخت سفر باندھیں تاکہ اسے انتہا پسندوں سے بچایا جا سکے۔
حماس کے رہنما نے میڈیا پر بھی زور دیا ہے کہ وہ القدس اور مبارک مسجد اقصی میں رونما ہونے والے واقعات کی کوریج کو اپنے نیوز ایجنڈے میں لازمی شامل رکھیں تاکہ قابض صہیونیوں کے مقدسات اسلامیہ کے خلاف دہشت گردانہ اقدامات سے دنیا آگاہ ہو سکے۔
بشکریہ:مرکزاطلاعات فلسطین