لبنان پر صہیونی جارحیت عرب دنیا پر حملے کے مترادف ہے، حماس

(روزنامہ قدس ـ آنلائن خبر رساں ادارہ) فلسطینی مزاحمتی تحریک حماس نے جنوبی لبنان پر قاتلانہ اسرائیلی حملوں کو سنگین جرم، بین الاقوامی قوانین کی صریح ًخلاف ورزی اور خطے کے امن کے لیے خطرناک اقدام قرار دیا ہے۔

حماس نے جنوبی لبنان پر سفاکانہ فضائی اور ڈرون حملوں کو کھلی دہشت گردی قرار دیتے ہوئے عالمی برادری سے فوری کارروائی کا مطالبہ کیا ،بیان میں کہا گیا ہے کہ ظالم اسرائیلی جارحیت نہ صرف لبنان بلکہ پورے عالم عرب ِکے خلاف خطرناک اشتعال انگیزی ہے جو عالمی قوانین اور اقوام متحدہ کی قراردادوں کی صریحً خلاف ورزی ہے۔

تحریک مزاحمت حماس نے لبنان کے عوام کے ساتھ مکمل یکجہتی کا اعلان کرتے ہوئے عرب ممالک سے مطالبہ کیا کہ وہ غاصب اسرائیلی جرائم کے خلاف متحدہ مؤقف اختیار کریں اور اس جارحیت کو بین الاقوامی عدالت میں لے کے جائیں۔