مرکزاطلاعات فلسطین کے مطابق علی برکہ نے بیروت میں صحافیوں سے گفتگو کرتے ہوئے بتایا کہ حال ہی میں حماس اور فتح کی قیادت میں ملاقات کااہتمام بھی لبنانی پارلیمنٹ کے اسپیکر نبیہ بری نے کرایا تھا۔ انہوں نے دونوں جماعتوں کےدرمیان مفاہمت کا عمل آگے بڑھانے اور تعطل کا شکار مفاہمتی نکات پرعمل درآمد کے لیے تین نکاتی فارمولہ پیش کیا ہے۔
علی برکہ کا کہنا تھا کہ مفاہمتی فارمولے میں مثبت تجاویز دی گئی ہیں جن پردونوں جماعتوں کی قیادت غور کررہی ہے تاہم انہوں نے ان تینوں نکات کی تفصیل بتانے سےگریز کیا اور کہا کہ ابھی چونکہ معاملات دونوں جماعتوں کے ہاں زیربحث ہیں اس لیے جب تک ان نکات پرکوئی حتمی فیصلہ نہیں کیا جاتا اس وقت تک انہیں منظرعام پرنہیں لایا جاسکتا ہے۔
ایک سوال کے جواب میں علی برکہ کا کہنا تھا کہ تحریک فتح اورحماس کی قیادت کے درمیان ملاقات میں غزہ کی پٹی کے سرکاری ملازمین کی تنخواہوں، قومی حکومت اور تنظیم آزادی فلسطین کی تشکیل نوپربات چیت کی گئی۔
خیال رہے کہ حال ہی میں بیروت میں حماس کے سیاسی شعبے کے نائب صدر ڈاکٹر موسیٰ ابور مرزوق کی تحریک فتح کی سینٹرل ایگزیکٹو کمیٹی کے رکن عزام الاحمد کے درمیان ملاقات ہوئی تھی۔ ملاقات میں لبنانی پارلیمنٹ کے اسپیکر نبیہ بری بھی موجود تھے۔
بشکریہ:مرکزاطلاعات فلسطین