(روزنامہ قدس ۔آن لائن خبر رساں ادارہ) حماس نے مسجد اقصیٰ میں مسلمانوں کو عبادت سے روکنے اور ان پر تشدد کی شدید الفاظ میں مذمت کی ہے ۔
صیہونی فوج کی جانب سے گزشتہ روز مسجد اقصیٰ کے احاطے سے خواتین سمیت پانچ فلسطینیوں کی گرفتاری اور تشدد پر سخت ردعمل دیتے ہوئے اسلامی مزاحتمی تنظیم حما س کے ترجمان فوزی برھوم کی جانب سے جاری ہونےو الے بیان میں اسرائیل فوج کے غیر قانونی اقدامات کی مذمت کرتے ہوئے کہا ہے کہ مسلمانوں کے قبلہ اول اور تیسرے مقدس ترین مقام پر صیہونی فوج کی جانب سے عبادتگزاروں پر تشدد اور گرفتاریاں صیہونی ریاست کی مذہبی جنگ کا تسلسل اور مسلمانوں کے مذہبی جذبات کو مشتعل کرنے کی سازش ہے ۔
ترجمان نے فلسطینیوں کے خلاف صیہونی ریاست کے منظم جرائم کے خلاف متحد ہونے کے ساتھ قبلہ اول کے دفاع میں اپنا کردار ادا کرتے ہوئے بھرپور مزاحمت کا مطالبہ کیا ہے ۔