رپورٹ کے مطابق حماس کے سیاسی شعبے کے رکن عزت الرشق کی جانب سے جاری کردہ ایک بیان میں کہا گیا ہے کہ یورپ کا مقبوضہ فلسطینی علاقوں میں قائم اسرائیل کے غیرقانونی کارخانوں میں تیار ہونے والی مصنوعات پر بائیکاٹ کا ٹیگ لگانا مثبت سمت میں اہم قدم ہے مگر صہیونی ریاست کے مظالم، فلسطینیوں کےخلاف صہیونی ریاست کے جنگی جرائم اور فلسطینی علاقوں میں غیرقانونی یہودی کالونیوں کے قیام میں یہ ر د عمل کافی نہیں ہے۔
حماس رہنما کا کہنا ہے کہ یورپی یونین کے ممبرممالک انسانی حقوق کے پرچارک کرتے ہیں۔ اس لیے انصاف اور حریت کی اقدار کی پاسداری کرنے والے یورپ کو فلسطینیوں پر ڈھائے جانے والے مظالم پر خود کو غیر جانب دار رکھنے کے بجائے صہیونی ریاست کے جنگی جرائم کو بے نقاب کرتے ہوئے فلسطینیوں کے ساتھ کھڑا ہونا چاہیے۔
انہوں نے کہا کہ یورپ کی طرف سے ہم ایسے جاندار فیصلے کے منتظر ہیں جس میں فلسطینیوں کی سیاسی بلیک میلنگ کے بجائے ان کی حمایت پرمبنی اقدامات کیے جائیں۔ فلسطینیوں کے حقوق کی حمایت میں قراردادیں منظور کی جائیں اور ان قراردادوں پران کئ روح کے مطابق عمل درآمد کیا جائے ۔
حماس کی جانب سے یہ بیان ایک ایسے وقت میں سامنے آیا ہے جب دوسری جانب یورپی یونین کی خارجہ کمیٹی نے فلسطین کے علاقے غزہ کی پٹی پرعائد اقتصادی پابندیوں کے خاتمے اور فلسطین میں یہودی بستیوں کےقیام کو غیرقانونی قرار دیا گیا ہے۔