فلسطینی اتھارٹی کی پریونٹیو سیکیورٹی اور جنرل انٹیلی جنس نے جنین میں حماس کے اسیر رہنما شیخ جمال ابولھیجہ کے گھر پر دھاوا بول دیا اور ان کے بیٹے کو حمزہ کو حراست میں لینےکے لئے تلاشی لیتے رہے۔
ادھر نابلس میں پریونٹیو سیکیورٹی سروس نے عین کیمپ سے رہائی پانے والے اسیر محمد جمال عطا کو اپنی حراست میں رکھا ہوا ہے۔ محمد جمال کو ابھی کچھ ہی ماہ پہلے اسرائیلی جیل سے رہا کیا گیا تھا۔
اس کے علاوہ انہوں نے بیت لحم میں اسرائیلی جیل سے رہائی پانے والے اسیر اسماعیل عبداللہ کی انتظامی قید کو مزید تفتیش کے لئے تیسری مرتبہ 15 دنوں کے لئے بڑھا دیا ہے۔
نابلس کی جنید جیل کے خصوصی ذرائع نے اس بات کی تصدیق کی ہے فلسطینی اتھارٹی سروسز نے قلقلیہ سے تعلق رکھنے والے اسیر علاء ضیاب کو 4 سال کی قید کے بعد پھر سے تفتیش کے لئے بلا لیا ہے۔ ضیاب کو جون 2009 میں حراست میں لیا گیا تھا اور انہیں 20 سال قید سنائی گئی تھی،
بشکریہ:مرکز اطلاعات فلسطین