(روز نامہ قدس ۔آنلائن خبر رساں ادارہ ) مصر نے مقبوضہ فلسطین کا شہر غزہ جو گذشتہ 16 سالوں سے غیر قانونی صیہونی ریاست اسرائیل کی جانب سے محاصرے کا شکار ہے کے واحد بین الاقوامی گذر گاہ رفح بارڈر کو آمدورفت کیلئےکھول دیا ہے۔
تفصیلات کےمطابق غزہ میں حماس کے زیر انتظام وزارت داخلہ کی جانب سے جاری بیان میں رفح بارڈر کو آمدورفت کیلئے کھولے جانے کا باقاعدہ اعلان کردیا گیا ہے۔
واضح رہے کہ غزہ میں صیہونی ریاست کے خلاف برسرپیکار اسلامی مزاحمتی تحریک حماس اور محمود عباس کی سربراہی میں چلنے والی فلسطینی اتھارٹی کے درمیان مصر کے شہر قاہرہ میں مقبوضہ فلسطین میں آئندہ ہونے والے صدارتی انتخابات پر مذاکرات جارہی ہیں، مصر نے گذشتہ ہفتے بھی رفح بارڈر کو ایک ہفتے کیلئے آمدورفت کیلئے کھولاتھا تاہم اب یہ بات یقینی طورپر نہیں بتائی گئی ہے کہ رفح بارڈر کو کتنے دنوں کیلئے کھولا گیا ہے۔