(روزنامہ قدس ۔آن لائن خبر رساں ادارہ) حماس کا کہنا ہے کہ صیہونی زندانوں میں فلسطینی قیدیوں پر ہونے والاغیر انسانی سلوک ناقابل قبول ہے جس کا بھرپور جواب دیا جائے گا۔
صیہونی جیلوں میں فلسطینی قیدیوں پر اسرائیلی جیل حکام کی جانب سے کئے جانے والے بدترین تشدد بل الخصوص "ایشل ” جیل میں دو فلسطینی قیدیوں جمال ابو الھیجا اور حسن سلامہ پر کیئے جانے والے غیر انسانی اور بدترین تشدد پر اسلامی تحریک مزاحمت ‘حماس’ کی جانب سے شدید مذمت کرتے ہوئے کہا ہے کہ فلسطینی قیدیوں کے خلاف صہیونی ریاست کی جارحیت کا بھرپور مقابلہ کرنے کے لیے تیار ہے۔
بیان میں کہا گیا ہے کہ اسرائیلی زندانوں میں قید ہمارے فلسطینی بہن بھائی اور بزرگ قوم کے ہیرو ہیں اور ان کی رہائی کے لیے حماس ہرسطح پر کوششیں کرے گی اس طرح کے جارحانہ اقدامات کے خلاف سخت اقدامات کیے جائیں گے۔
خیال رہے کہ دو روز قبل ایشل جیل کے وارڈ نمبر 10 پر اسرائیلی کمانڈو یونٹ مسٹاڈا کے جلادوں نے دھاوا بولا اور وہاں پر موجود قیدیوں کو تشدد کا نشانہ بنائے جانے کے بعد ان میں سے بعض کو نامعلوم مقام پر منتقل کر دیا گیا ہے۔