(روزنامہ قدس ۔آن لائن خبر رساں ادارہ) حماس کے بین الاقوامی تعلقات عامہ کے سربراہ کا کہنا ہے کہ ہر محاذپر بدترین شکست کے بعد صیہونی ریاست اوچھے اہتھکنڈوں پر اتر آئی ہے۔
فلسطینی اسیران اور شہداء کے اہل خانہ کی کفالت کے لیے دی جانے والی واجب الادا رقوم کی کٹوتی کے فیصلے پر اپنے ردعمل میں حماس کے بین الاقوامی تعلقات عامہ کے سربراہ ڈاکٹر باسم نعیم کاکہنا ہے کہ قابص صیہونی ریاست مقبوضہ فلسطین میں ہر محاذ پر بدترین شکست کےبعد اوچھے ہتھکنڈوں پر اتر آئی ہے جس کی واضح ردلیل فلسطین اتھارٹی کو واجب الادا رقم کی کٹوتی ہے ۔
ان کا کہنا تھا کہ فلسطینی قوم صیہونی ریاست کے ہر مظالم کے خلاف متحد اور ایک جان رہیں گے ، فلسطینیوں کی قربانیاں رائیگاں نہیں جائیں گی ، ارض م قدس کی آزادی تک سیاسی سماجی اور مسلح مزاحمت جاری رہے گی ۔