(روزنامہ قدس ۔آن لائن خبر رساں ادارہ ) فلسطینی مزاحمتی تحریک حماس اور تحریک الفتح کے درمیان اتحاد ہونے کے بعد سے صہیونی ریاست نے گرفتاریوں میں غیر معمولی اضافہ دیکھنے میں آرہا ہے۔
مقامی ذرائع سے حاصل اطلاعات کے مطابق آج صبح صہیونی فوج نے مقبوضہ بیت المقدس کے شہر رام اللہ کے مغربی علاقے "بیتونیا” میں چھاپہ مار کارروائی کرتے ہوئے فلسطینی مزاحمتی تحریک حماس سے تعلق رکھنے والے مقامی رہنما حسین ابو کویک کو گرفتار کرکے نامعلوم مقام پر منتقل کردیا ہے۔
ذرائع کا کہنا ہے کہ جب سے اسلامی مزاحتمی تحریک حماس اور تحریک الفتح کے درمیان غرب اردن پر صہیونی ریاست کی عملداری اور اسرائیلی ریاست کے جرائم کے خلاف اتحاد قائم ہوا ہے اس کے بعد سے صہیونی فوج اور پولیس کی جانب سے حماس سے تعلق رکھنے والے افراد کی گرفتاریوں میں غیر معمولی اضافہ دیکھنے میں آیا ہے ۔