(روزنامہ قدس ۔آن لائن خبر رساں ادارہ) حماس کے سینئر رکن کا کہنا ہے کہ فلسطینی اتھارٹی کی طرف سے اسرائیل کے ساتھ سیکیورٹی تعاون جاری رہتا ہے تو دنیا ہم پر صدی کی ڈیل کی مخالفت کرنے کا یقین نہیں کرے گی۔
فلسطینی شہری حازم حسنین کی اسرائیلی جیل سے رہائی کے بعد ان کے استقبال کے لیے منعقدہ ایک تقریب سے خطاب کرتے ہوئے اسلامی تحریک مزاحمت ‘حماس’ کے سیاسی شعبے کے سینیر رُکن خلیل الحیہ نےکہا ہے کہ ان کی جماعت تمام فلسطینی مزاحمتی قوتیں امریکا کے نام نہاد امن منصوبے سنچری ڈیل کو ناکام بنانے اور قابض صہیونی ریاست کے قبضے کے خلاف جدو جہد کے لیے پرعزم ہیں، امریکا کے نام نہاد منصوبے ‘صدی کی ڈیل’ کو ہمیشہ کے لیے زمین میں دفن کردیں گے۔
انہوںنے قابض ریاست اسرائیل کو مخاطب کرتے ہوئے کہا کہ صہیونی دشمن اگر حماس کو ختم کرنے کی دھمکی دے رہا ہے تو یہ اس کی غلط فہمی ہے، ہم صہیونی دشمن کو اپنے ملک سے نکال کر چھوڑیں گے۔
انہوں نے فلسطینی اتھارٹی پر ماضی سے سبق سیکھنے اور اپنے اعلانات کو عملی اقدامات میں تبدیل کرنے کی ضرورت زور دیتے ہوئے کہا کہ فلسطینی اتھارٹی کی طرف سے اسرائیل کے ساتھ سیکیورٹی تعاون جاری رہتا ہے تو دنیا ہم پر صدی کی ڈیل کی مخالفت کرنے کا یقین نہیں کرے گی۔