اسلامی تحریک مزاحمت ’’حماس‘‘ کے سیاسی شعبے کے سربراہ خالد مشعل نے اسلامی جمہوریہ ایران کے صدر ڈاکٹر حسن روحانی کی والدہ اور مرشد اعلیٰ آیت اللہ علی خامنہ ای کی ہمیشرہ کے انتقال پر گہرے دکھ کا اظہار کرتے ہوئے پسماندگان اور پوری ایرانی قوم سے تعزیت کی ہے۔
مرکزاطلاعات فلسطین کے مطابق خالد مشعل نے ایرانی صدر ڈاکٹر حسن روحانی کو ٹیلیفون کرکے ان سے والدہ کی وفات پر اظہار افسوس کیا۔ انہوں نے کہا کہ پوری فلسطینی قوم کو صدر روحانی کی والدہ اور رہ بر انقلاب اسلامی آیت اللہ علی خامنہ ای کی ہمشیرہ کے انتقال پر دکھ ہے۔
خالد مشعل نے صدر روحانی سے بات کرتے ہوئے انہیں سال نو کی مبارک باد بھی پیش کی۔دوسری جانب صدر روحانی نے حماس کی قیادت کی جانب سے والدہ کی وفات پر اظہار ہمدردی کرنے پر شکریہ ادا کیا۔ انہوں نے کہا کہ ایران فلسطینی قوم کی آزادی سمیت تمام دیرینہ حقوق کے حصول کے لیے جاری جدو جہد کی حمایت جاری رکھے گا۔
بشکریہ:مرکزاطلاعات فلسطین