اسلامی تحریک مزاحمت [حماس] کے ایک وفد نے تنظیم کے پولٹ بیورو کے سربراہ کی قیادت میں پیر کے روز دوحہ میں روسی وزیر خارجہ سے ملاقات کی۔
حماس ذرائع کے مطابق ملاقات میں مسئلہ فلسطین کے حوالے سے ہونے والی پیش رفت اور فلسطینی تنظیموں کے درمیان کے مصالحت کے امکانات پر تبادلہ خیال کیا۔ نیز علاقائی سیاسی صورتحال بھی خصوصی طور پر زیر بحث آئی۔
انہی ذرائع کا مزید کہنا تھا کہ ملاقات میں حماس کے وفد نے روسی مہمانوں کو گذشتہ برس غزہ پر اسرائیل کے مجرمانہ حملے کے بعد پیدا ہونے والی صورتحال سے آگاہ کیا۔
روسی وزیر خارجہ کو حماس کے وفد نے غرب اردن میں اسرائیلی دہشت گردی اور صہیونی انتظامیہ کی اسلامی اور عیسائی مقامات مقدسہ کے خلاف جارحیت سے بھی آگاہ کیا۔ ملاقات میں دوطرفہ تعلقات اور دیگر متفرق مگر اہم امور پر بھی تبادلہ خِیال کیا گیا۔
بشکریہ:مرکزاطلاعات فلسطین