"حماس "کے وفد کی لبنان میں حکمران پارٹی کی قیادت سے ملاقات

بیروت (روز نامہ قدس ۔آن لائن خبر رساں ادارہ)‎فلسطین میں اسرائیل سے برسرپیکار اسلامی مزاحمتی تنظیم حماس کے اعلیٰ سطحی وفدکی لبنان میں حکمران جماعت "فیوچرپارٹی” کی قیادت سے ملاقات ۔تفصیلات کے مطابق حماس کے مقامی دفتر سے جاری بیان میں بتایا گیا ہے لبنان میں حماس کے نمائدے احمد عبدالھادی کی قیادت میں جماعت کے وفد نے بیروت میں لبنان کی حکمراں جماعت "فیوچرپارٹی” کی قیادت سے ملاقات کی۔ حماس کے وفد میں سیاسی شعبے کے رکن جہاد طہ، لبنان ۔ فلسطین تعلقات عامہ کے عہدیدار ایمن شناعہ اور دیگر موجود تھے۔ جب کہ فیوچر پارٹی کے وفد کی قیادت جماعت کے سیکرٹری جنرل برائے خارجہ امور احمد رشوانی نے کی۔دونوں‌جماعتوں‌ کی قیادت نے علاقائی، عالمی امور اور فلسطین کی تازہ صورت حال کے علاوہ لبنان میں فلسطینی پناہ گزینوں کے مسائل پربات چیت کی۔خیال رہے کہ دو روز قبل حماس کے وفد نے لبنانی وزیراعظم سعد حریری جو فیوچر پارٹی کے سربراہ بھی ہیں، سے بھی ملاقات کی تھی۔