بیروت (روز نامہ قدس ۔آن لائن خبر رساں ادارہ) اسلامی تحریک مزاحمت (حماس) کے سیاسی شعبے کے نائب صدر صالح العاروری کی قیادت میں جماعت کے ایک اعلیٰ اختیاراتی وفد نے گذشتہ روز لبنانی مزاحمتی تنظیم ’’حزب اللہ‘‘ کے سیکرٹری جنرل حسن نصراللہ سے ملاقات کی۔
روز نامہ قدس کو موصول ہونے والی اطلاعات کے مطابق حسن نصراللہ اور حماس کے وفد کےدرمیان ہونے والی بات چیت میں فلسطین کی تازہ ترین صورت حال، غزہ پر اسرائیلی جارحیت، دونوں جماعتوں کےدرمیان باہمی تعاون کے فروغ اور خطے میں ہونے والی پیش رفت میں یکساں مؤقف اختیار کرنے سے اتفاق کیا گیا۔