میڈیا ذرائع کے مطابق خالد مشعل اپنے دورے میں امیر کویت کے ہمراہ غزہ کی موجودہ صورتحال اور غزہ کی پٹی کے خلاف بڑھتی ہوئی جارحیت سے متعلق تبادلہ خیال کریں گے۔
یاد رہے اس وقت غزہ میں جنگ بندی کرانے کی غرض سے علاقے میں سفارتی کوششوں کا سلسلہ تیز ہو چکا ہے کیونکہ غزہ کی پٹی پر چودہ دن سے مسلسل حملوں میں ابتک 344 فلسطینی شہید اور دو ہزار سے زائد زخمی ہو چکے ہیں جبکہ اس سے کہیں بڑے پیمانے پر مکانات اور دیگر ادارے تباہ ہو چکے ہیں۔
دورہ مصر سے معذرت
ادھر حماس کے ایک ذمہ دار اہلکار نے بتایا کہ چند وسطاء کے حوالے سے تحریک کو خالد مشعل کی قیادت میں مصر کے دورے کی دعوت دی گئی تھی تاکہ سیز فائر کے لئے مصری منصوبے پر گفتگو کو آگے بڑھایا جا سکے۔
مرکز اطلاعات فلسطین کو موصول ہونے والے حماس ذرائع کے بیان میں کہا گیا ہے کہ تحریک نے دورہ مصر کی دعوت یہ کہتے ہوئے قبول کرنے سے انکار کر دیا کہ مصری کوششوں کے حوالے تنظیم کا نقطہ نظر سب پر واضح ہے۔