(روزنامہ قدس ۔آن لائن خبر رساں ادارہ) امریکا کی جانب سے تیار کردہ مشرقی وسطیٰ کیلئے نام نہاد امن منصوبے کے خلاف حماس کی اپیل پر فلسطین کے مختلف شہروں میں احتجاجی مظاہرے کئےگئے ۔
تفصیلات کےمطابق گزشتہ روز جمعہ اسلامی تحریک مزاحمت ‘حماس’ کی اپیل پر امریکی صدر کے نام نہاد امن منصوبے ‘صدی کی ڈیل’ کے خلاف فلسطین بھر میں احتجاجی مظاہرے اور جلسے جلوس نکالے گئے، میں نماز جمعہ کے اجتماعات کے بعد لاکھوں افراد نے امریکی صدر کے مشرق وسطیٰ منصوبے کے خلاف احتجاجی مظاہروں میں مظاہرین نے ہاتھوں میں فلسطینی پرچم، امریکی صدر کے خلاف نعروں پرمشتمل بینرز اور پلے کارڈز اٹھا رکھے تھے۔
مختلف علاقوںمیں نکالے گئے جلوسوں سے خطاب میں فلسطینی رہ نماؤں نے امریکی اور صہیونی سازش کو مسترد کرتےہوئے منصوبے کو واپس لینے کا مطالبہ کیا ۔