(روزنامہ قدس ۔آن لائن خبر رساں ادارہ) غزہ میں حماس کے عہدیدار نےبتایا ہے کہ حماس کا ایک اعلیٰ سطح کا وفد خطے کے مختلف ممالک کے دورہ کے پہلے مرحلے میں آج مصر کا دورہ کرے گا۔
مقبوضہ فلسطین کے شہر غزہ میں اسلامی مزاحمتی تحریک حماس کے ایک سینئر عہدیدار موسیٰ ابو مرذوق کے مطابق حماس کا ایک اعلیٰ سطحی وفد علاقائی سفر کے پہلے مرحلے پر آج مصر کے دارلاحکومت قاہرہ روانہ ہوگا، انھوں نے بتایا کہ اعلیٰ سطحی وفد خطے کے متعدد ممالک کا دورہ کرے گا وفد کے اس دورے کی منصوبہ بندی دو ماہ قبل کی گئی تھی جس پر اب عمل درآمد کیا جارہا ہے ۔