اسلامی تحریک مزاحمت ۔ حماس کے پولٹ بیورو کے رکن عزت رشق کا کہنا ہے کہ خالد مشعل کی سربراہی میں حماس کا وفد قاھرہ میں مصری صدر محمد مرسی سے ملاقات کے بعد ترک وزیر اعظم رجب طیب ایردوان سے ملاقات کے لیے ترک دارالحکومت انقرہ روانہ ہو رہا ہے۔ انہوں نے مصری صدر سے ملاقات کے حوالے سے بتایا کہ اس ملاقات میں فلسطین اور عرب دنیا کے اہم معاملات پر تبادلہ خیال کیا ہے۔
سوشل میڈیا کی ویب سائٹ ”فیس بک” کے اپنے پیج پر انہوں نے بتایا کہ مصری صدر سے مسئلہ فلسطین، فلسطینی تنظیموں کے مابین مفاہمت، عرب دنیا کے حالات اور شامی جنگ کے موضوعات پر گفتگو کی گئی ہے۔
انہوں نے بتایا کہ اس وفد میں پولٹ بیورو کے سربراہ خالد مشعل، نائب سربراہ اسماعیل ھنیہ، بیورو کے رکن ڈاکٹر موسی ابو مرزوق، عماد العلمی، عزت رشق، محمد نصر اور ماھر عبید شامل ہیں۔
انہوں نے کہا کہ حماس کے وفد کی قیادت خالد مشعل کر رہے ہیں اوراب یہ وفد قاھرہ سے انقرہ روانہ ہوجائے گا جہاں وہ ترک وزیر اعظم رجب طیب ایردوان سے ملاقات کرے گا۔
بشکریہ:مرکز اطلاعات فلسطین