(روز نامہ قدس ۔آن لائن خبر رساں ادارہ) فلسطین کی ملسح مزاحمتی تحریک "حماس” نے قابض اسرائیل کا جدید کیمروں سے لیس جاسوس ڈرون طیارہ اپنے قبضے میں لے لیا۔
مقبوضہ فلسطین پر قابض اسرائیل کے مظالم کے خلاف برسرپیکار اسلامی مزاحمتی تحریک حماس کے عسکری ونگ عزالدین القسام بریگیڈ کی طرف سے جاری کردہ ایک بیان بتایا گیا ہے کہ مقبوضہ فلسطین کے محصور شہرغزہ کے علاقے رفاح میں منگل کے روز اسرائیل کا ایک جاسوس ڈرون طیارہ کامیابی سے اتارنے کے بعد اپنے قبضے میں لے لیا۔
جدید ترین کیمروں سے لیس جاسوس ڈرون خصوصی طور پرغزہ کی جاسوسی کی مہم پر بھیجا گیا تھا جس کو حماس کی جانب سے کامیابی سے اتار کر دشمن کے غزہ کے حوالے سے مذموم عزائم خاک میں ملا دیا گیا ۔دوسری جانب اسرائیلی فوج نے جنوبی غزہ میں اپنے ایک ڈرون طیارے گرنے کی تصدیق کی ہے۔ اسرائیل کے سرکاری ریڈیو کی رپورٹ کے مطابق فوج نےڈرون طیارے کے فلسطینی مزاحمت کاروں کے ہاتھ لگنے پر تشویش کا اظہار کیا ہے۔ ڈرون طیارہ فلسطینی مجھاہدین کے قبضے میں آنے کے بعد صہیونی فوج اور انٹیلی جنس اداروں میں کھلبلی مچ گئی ہے۔ فوج نے اس واقعے کی تحقیقات شروع کردی ہیں۔