مرکز اطلاعات فلسطین کے مطابق غزہ کی پٹی میں ایک تقریب سے خطاب کرتے ہوئے ڈاکٹر صلاح الدین بریگیڈ نے کہا کہ حماس کی مصری فوج کے ساتھ کوئی جنگ نہیں ہے۔ ہم مصر کا اسی طرح دفاع کرتے ہیں جس طرح فلسطینی قوم کا دفاع کررہے ہیں۔
انہوں نے مصری میڈیا میں جاری منفی پروپیگنڈے کی شدید مذمت کی اور کہا کہ حماس مصر کے اندرونی معاملات میں دخل اندازی نہیں کررہی ہے۔ انہوں نے کہا کہ جزیرہ نما سینا میں بدامنی کا تعلق غزہ کی پٹی سے نہیں اور نہ ہی ان واقعات میں حماس کا عسکری ونگ ملوث ہے۔ یہ مصر کا اندرونی معاملہ ہے۔
بشکریہ:مرکزاطلاعات فلسطین