جبالیا میں القسام بریگیڈز کا وار،صہیونی فوج کے دو ٹینک تباہ

(روزنامہ قدس ـ آنلائن خبر رساں ادارہ) اسلامی تحریک مزاحمت ’حماس‘ کے عسکری ونگ القسام بریگیڈز نے اعلان کیا ہے کہ اس کے مجاہدین نے جبالیا کیمپ کے مغرب میں قابض اسرائیل کے دو ٹینکوں کو بارودی دھماکوں سے اڑا دیا۔

القسام بریگیڈز نے اپنی ٹیلیگرام چینل پر جاری بیان میں کہا کہ ہمارے جانباز مجاہدین نے 15 ستمبر سنہ2025ء کو جبالیہ کیمپ کے مغرب میں الصفطاوی چوراہے پر قابض دشمن کی دو میرکافا ٹینکوں کو نہایت طاقتور زمینی بارودی دھماکوں سے نشانہ بنایا اور انہیں مکمل طور پر تباہ کر دیا۔

القسام بریگیڈز اور دیگر مزاحمتی دھڑے بدستور صہیونی دشمن کی فوجی گاڑیوں اور درانداز فوجیوں کے خلاف بہادری سے ڈٹے ہوئے ہیں۔ یہ کارروائیاں جاری “طوفان الاقصیٰ” معرکے کے تحت انجام دی جا رہی ہیں جو قابض اسرائیل کے غزہ پر جاری تسلسل سے بڑھتے حملوں کے مقابلے میں ایک ناقابل فراموش باب ہے۔