رپورٹ کے مطابق خالد مشعل نے حماس کے 28 ویں یوم تاسیس کے موقع پر اپنے ایک ویڈیو پیغام میں کہا کہ حماس نے تحریک آزادی فلسطین اور مزاحمتی محاذ پر امتیازی نقوش مرتب کیے ہیں۔
انہوں نے کہا کہ حماس نے تمام تر مشکلات اور چیلنجز کے علی الرغم آزادی کے لیے جاری تحریک کو عصری تقاضوں سے ہم آہنگ کرنے کی مساعی جاری رکھیں۔ انہوں نے حماس کے الیکٹرانک ویب سائیٹ کو دیے گئے انٹرویو میں کہا کہ حماس نے اٹھائیس سال کا سفر طے کرتے ہوئے کئی سنگ ہائے میل طے کیے ہیں۔ آج جدید ترین مواصلاتی دور سے گذرتے ہوئے ہم حالات کا پوری قوت کے ساتھ مقابلہ کرتےہوئے تمام تر چیلنجز کا پوری ہمت سے مقابلہ کررہے ہیں۔ حماس نے دیگر تمام قومی مزاحمتی تنظیموں کو ایک دوسرے کے قریب کرنے کے ساتھ بیت المقدس کی آزادی کے لیے مساعی کو بھی مجتمع کیا ہے۔
خالد مشعل کا کہنا تھا کہ ان کی جماعت نے آزادی کے لیے جدو جہد کرنے والی اقوام کے لیے قربانیوں، ثابت قدمی اور جدو جہد کے بے مثال نمونے پیش کیے ہیں۔ حماس نے سیاست اور مزاحمت کو لچک اور اصولوں کی پاسداری کے ساتھ جمع کیا۔ یہی وجہ ہے کہ حماس آج ایک متوازن قومی تحریک کے طورپر جانی جاتی ہے۔