خیال رہے کہ گذشتہ شام بیروت کے جنوب میں البراجنہ ٹاور میں ہونے والے ھم دھماکوں میں کم سے کم 43 افراد شہید اور 240 زخمی ہوگئے تھے۔ دولت اسلامی "داعش” کہلوانے والی تنظیم نے ان دھماکوں کی ذمہ داری قبول کی ہے۔
حماس کی جانب سے جاری کردہ ایک بیان میں کہا گیاہے کہ برج البراجنہ میں دھماکے دہشت گردی ہیں جن کی جتنی بھی مذمت کی جائے کم ہے۔ بیان میں کہا گیاہے کہ لبنان میں دہشت گردی کی تازہ کارروائی میں حماس اور پوری فلسطینی قوم دُکھ کا شکار ہے۔ مشکل کی اس گھڑی میں ہم لبنانی قوم کو تنہا نہیں چھوڑیں گے۔
لبنانی فوج اور پولیس کا کہنا ہے کہ یہ واقعہ گرینچ کے معیاری وقت کے مطابق رات 18 بجے ہوا۔ ایک دھماکہ عین السکہ قصبے میں ہوا جب کہ اس کے بعد البراجنہ ٹاور میں ہونے والے سلسلہ وار دھماکوں کے کے نتیجے میں دسیوں افراد جاں بحق اور زخمی ہوگئے۔ دھماکوں کے بعد فوج اور پولیس نے علاقے کو گھیرے میں لے لیا تھا۔ جائے وقوعہ سے شواہد بھی اکھٹے کیے جا رہے ہیں۔ دھماکوں کی عالمی سطح پر مذمت کی جا رہی ہے۔