ایک اور یرغمالی کی لاش تلاش کر لی: حماس

(روزنامہ قدس ـ آنلائن خبر رساں ادارہ) فلسطینی مزاحمتی تنظیم حماس نے اپنے بیان میں کہا ہے کہ اپنے تمام وعدوں بشمول غزہ جنگ بندی پر مکمل عمل درآمد کے لیے پُرعزم ہیں۔

حماس کا کہنا ہے کہ رفح میں قابض اسرائیلی افواج سے کسی جھڑپ یا واقعے سے واقف نہیں ہیں۔

حماس کے مطابق رفح کا علاقہ قابض اسرائیل کے کنٹرول میں ہے، مارچ سے وہاں تمام گروپوں سے رابطہ منقطع ہے۔

حماس نے بتایا ہے کہ ریسکیو آپریشنز کے دوران مزید ایک یرغمالی کی لاش کو تلاش کر لیا، زمینی حالات مناسب ہوئے تو ہلاک یرغمالی کی لاش آج قابض اسرائیل کے حوالے کر دی جائے گی۔

حماس کا کہنا ہے کہ قابض اسرائیل کی فوجی کارروائی پر ہلاک یرغمالیوں کی لاشوں کی تلاش میں تاخیر ہو سکتی ہے۔