ایران کے صدرڈاکٹرحسن روحانی کی والدہ کے انتقال پراسلامی تحریک مزاحمت ’’حماس‘‘ کےسیاسی شعبے کےنائب صدراسماعیل ھنیہ نے گہرے دکھ کا اظہار کرتے ہوئے صدر روحانی اور ان کے خاندان سے تعزیت کا اظہار کیا ہے۔
مرکزاطلاعات فلسطین کے مطابق اسماعیل ھنیہ نے ٹیلیفون پرایرانی صدر حسن روحانی سے رابطہ کیا اور ان کی والدہ کے انتقام پر دکھ اورہمدردی کا اظہار کیا۔ اس موقع پر اسماعیل ھنیہ کا کہنا تھا کہ صدر روحانی کی والدہ کی وفات پرحماس اور پوری فلسطینی قوم کو دکھ ہے۔
اسماعیل ھنیہ نے کہا کہ ایرانی اور فلسطینی اقوام کے درمیان دوستی اور برادری کا رشتہ مزید مضبوط اور مستحکم ہوگا۔ انہوں نے ایران کی جانب سے فلسطینیوں کی تحریک آزادی کی غیر متزلزل حمایت کا خیر مقدم کیا۔ دوسری جانب ایرانی صدر نے حماس کی جانب سے والدہ کی وفات پر تعزیت پرشکریہ ادا کیا۔
خیال رہے کہ ایرانی صدر حسن روحانی کی والدہ سکینہ بیوندی جمعہ کے روز 86 سال کی عمر میں انتقال کرگئی تھیں۔
بشکریہ:مرکزاطلاعات فلسطین