(روزنامہ قدس ۔آن لائن خبر رساں ادارہ) حماس کے سربراہ نے اعلیٰ اختیاراتی وفد کے ہمراہ تہران کا دورہ کیا ہے جہاں ایرانی سپریم لیڈر علی خامنہ ای اور صدر حسن روحانی سے ملاقات کی ہے۔
تفصیلات کے مطابق مقبوضہ فلسطین میں قابض صیہونی ریاست اسرائیل کے مظالم کے خلاف برسرپیکار اسلامی مزاحتمی تحریک حماس کے سیاسی شعبے کے سربراہ اسماعیل ھنیہ نے اعلیٰ اختیاراتی وفد جس میں سیاسی شعبے کے نائب سربراہ صالح العاروری ، موسیٰ ابو مرذوق اور عزت الرشق شامل تھے کے ہمراہ ایران کے دار الحکومت تہران کا دورہ کیا ہے کہاں انھوں نے ایرانی سپریم لیڈر علی خامنہ ای اور صدر حسن روحانی سے ملاقات کی اور عراق میں قدس فورس کے سربراہ کی امریکی حملے میں شہادت پر تبادلہ خیال کیا ۔
حماس کے وفد نےبروز پیر کو ایرانی کمانڈر قاسم سلیمانی کی نماز جنازہ میں بھی شرکت کی تھی ۔
واضح رہے کہ اسماعیل ھنیہ نے مختلف اسلامی ممالک کے ساتھ باہمی تعلقات کو فروغ دینے اور فلسطینی مقصد کے لئے حمایت حاصل کرنے کے لئے مصر ، ترکی اور قطر کا دورہ کیاتھا جہاں انھوں نے صیہونی مظالم اور امریکی پشت پناہی کے حوالے سے سربراہان کو آگاہ کیاتھا ۔